Novembro en Compostela: a danza das follas

30 Novembro, 2015

Finalizaba novembro e esa transición entre o outono e o inverno comezaba a facerse real. O frío metíase no corpo e eles, da man, seguían descendendo Praterías en busca dun cucurucho de castañas. Era a súa forma de vivir Compostela, mirando cara eses patos do Auditorio que seguían, un inverno máis, de testemuñas perfectas da vida da cidade. Os raios de sol do mediodía, a néboa da tardiña e o solpor, sempre máis bonito aquí, bailando sobre Santiago.

Tanto daba se chovía ou se non mentres os bares seguisen servindo as copas que facían de cada xoves a noite de nunca rematar. Sexa agosto ou novembro, Compostela vive e con ela os que a senten.

Que bonita es. Que bonita estás, parecía dicirlle el.

Novembro en Compostela: a danza das follas

Artigos relacionados