Risotto “fácil” de champiñóns e froitos secos

Hoxe toca facer unha homenaxe a un dos países que mellor poden presumir de gastronomía no mundo, Italia. Antes de nada debo dicir que persoalmente teño unha debilidade coa comida deste país, e seguro que non me equivoco moito cando digo que vós tamén. Seguro que poucos lle din que non a un bo prato de pasta con calquera salsa e un pouco de parmigiano, unha boa pizza feita en forno de pedra (ou unha do súper feita no microondas)…

Pero como xa sabedes que comigo o típico non vai, quero que vos atrevades cun prato italiano, pero non con pasta nin cunha pizza. Imos preparar un plato de riso (arrozmisturando sabores fortes e doces que seguro que non deixan a ninguén indiferente.

Cociñeiros do Renacemento

Cociñeiros do Renacemento

Antes de nada, e a modo de recordo deses momentos nos que comezades unha nova asignatura na facultade, toca “Un pouco de historia”. risotto é un prato a base de arroz, que ten a súa orixe en Milán, alá polo Renacemento. Foise extendendo por toda Italia, debido a que o país da bota é un gran produtor de este cereal. O verdadeiro risotto ten que ser “legato”, é dicir, ten que quedar ligado, unido, e para iso temos que usar un arroz redondo, xa que libera máis cantidade de almidón, o que favorece que a salsa quede cremosa, pero non caldosa. É moi importante que o risotto se coma con tenedor, é dicir, que cando temos diante un bo risotto, o arroz debe estar pegadiño e cunha boa salsa, pero a textura ten que ser o suficientemente “compacta” como para que non precisemos unha culler para deixar o prato limpo.

O risotto ten unha elaboración bastante difícil, e por iso a que vos ofrezo aquí é a miña versión abreviada, que da uns resultados moi bos e pouco ten que envexar ao outro. De todas formas, se alguén está interesado en coñecer a forma tradicional, pode buscar na web, o poñerse en contacto conmigo, e terá moita información para saber facelo. E agora, todo o mundo a poñer o mandil e bulindo para a cociña!

Ingredientes para 4 personas:

  • 300 g de arroz (lembrade que debe ser do redondo)
  • Auga
  • Aceite
  • Allo
  • Sal
  • Champiñóns
  • Uvas pasas
  • Queixos (libre elección, recomendo neste prato un tipo arzúa, con un pouco de azul ou rulo de cabra)
  • Nata de cociñar
  • Noces
  • Chocolate negro

DSC_0575Nas receitas tradicionais, o arroz vaise facendo pouco a pouco, engadindo caldo a unha base de cebola e manteiga, pero é moito máis laborioso e graxento, polo que nós imos optar por facer o arroz por un lado e logo “ligar” coa salsa.

  1. Poñemos un chisco de aceite no fondo dunha pota, con un par de dentes de allo e douramos un pouco, retiramos o allo e botamos o arroz a refogar, durante un minuto.
  2. Agora engadimos a auga, a cantidade é aproximadamente duas veces e media a de arroz, neste caso, uns 650 gramos. De todas formas, o mellor é ter conta de ir engadindo auga si é preciso durante o proceso de cocción, que será duns dez  ou doce minutos, cando vexades que o arroz está no seu punto.
  3. Reservamos o arroz e imos coa salsa. Botamos nunha tixola uns poucos champiñóns laminados (se estades moi vagos, poden ser de lata) cun chisco de aceite e refogamos ata que queden dourados.DSC_0585
  4. Engadimos os queixos e un chorro de nata, e removemos ata que se faga unha salsa ben homoxénea.DSC_0587DSC_0588
  5. Neste punto, engadimos o arroz e apagamos o lume, aproveitando a calor que xa ten para misturar todo.DSC_0590DSC_0593
  6. Servimos no prato e engadimos as noces picadas e as uvas pasas.DSC_0597DSC_0600
  7. Para decorar e dar un toque doce, raiamos un pouco de chocolate negro por encima.

DSC_0603