Segunda pel

Hai case unha semana comezou o inverno, formalmente falando, claro, que aquí temos inverno de outubro a maio; pero segundo o calendario comezou o pasado día 21. As cruelmente baixas temperaturas ameazan con cuartear a nosa epiderme, e por iso, nada mellor ca unha segunda pel. Isto vai de peluxe, amigas!

O “pelo” sempre se deixa sentir durante a época máis escura do ano, aínda que as prendas adáptano das formas máis insospeitadas en cada tempada. Non obstante, un clásico abrigo de pel disque nunca pasa de moda.

Este pequeno abriguiño que vedes é obra de Gianfranco Ferré:

1 Gianfranco Ferré 2 lyst.com

www.lyst.com

 

Elle Macpherson dálle un toque máis “malote” coas mangas curtas e ombreiros anchos:

2 Elle Macpherson fur posh24.com

www.posh24.com

 

Entre os nosos fieis e baratos aliados sintéticos, temos nesta vertente conservadora este abrigo beige-cru de Blanco (Suite Blanco para as puristas) por 45,99 euros:

3 Blanco 45,99

www.blanco.com

 

Na mesma tenda, temos esta opción, un pouco máis Cruella De Vil, por 54,99 euros:

4 Blanco 54,99

www.blanco.com

 

E por último, tamén de Blanco (moitos coellos teñen que criar…), esta prenda un tanto máis longa e cun cinto á cintura que custa 59,99 euros:

5 Blanco 59,99

www.blanco.com

 

En H&M temos esta prenda, máis arriscada quizás, por 49,95 euros:

6 HM 49,95

www.hm.com

 

E como colofón, este abrigo de Mango, que sae por 69,99 euros:

7 Mango 69,99

www.mango.com

 

Se o que acabades de ver é demasiado discreto para vós, pasamos ao estadio seguinte: o “combi”. Nesta primeira imaxe, un deseño de Fendi, que adhire a un estrito abrigo gris unhas mangas curtas (de dubidosa utilidade) en pel:

9 Fendi 1 trendencias.com

www.trendencias.com

 

Máis discreta é esta bomber de Antipodium, onde as protagonistas indiscutibles son as mangas:

8 Antipodium 2 fur-style.com

www.fur-style.com

 

Cun lixeiro toque militar, esta marabilla de Jason Wu tamén destaca as mangas:

Ready to wear Fall Winter 2012 Jason Wu New York February 2012

www.lexwhatwear.com

 

Tamén acentuando as extremidades, esta obra de Maison Martin Margiela (aínda que non creo que para H&M esta vez…):

11 Martin Margiela 1 jojoaponte.com

www.jojoaponte.com

 

Olivia Palermo loce o “combi” coma ninguén e adxunta un “clutch” e unhas bailarinas en claro contraste:

12 Olivia Palermo fur oliviapalermo.com

www.oliviapalermo.com

 

En versión camiseta, Mary Charteris loce os brazos (e outras cousas…):

13 Mary Charteris fur magazine.motilo.com

www.magazine.motilo.com

 

Como proposta low-cost, temos esta chaqueta de Zara, que custa os seus 149 euros:

14 Zara 149

www.zara.com

 

Se chegadas a este punto notades un frenesí de peluxe e necesitades máis extravagancia en vea, estades de sorte, porque chegan as peles de cores!

Dries Van Noten aposta por una capiña en azul turquesa:

15 Dries Van Noten ladypress.wordpress.com

www.ladypress.wordpress.com

 

Marni xustapón o verde e o marrón:

16 Marni 3 furinsider.com

www.furinsider.com

 

Aquí vedes a Agyness Deyn, unha das miñas “it girls” preferidas, aínda que é a primeira vez que a poño, dado que ten a estraña manía de saír en pixama á rúa moi habitualmente e non é nada fácil collela ao xeito…

17 Agyness Deyn fur wonderfurs.it

www.wonderfurs.it

 

Fearne Cotton aposta forte, pero non ao vermello nin ao negro, senón a toda a paleta de cores:

18 Fearne Cotton fur posh24.com

www.posh24.com

 

E Poppy Delevingne tamén fai un exercicio cromático con este abrigo:

19 Poppy Delevingne fur stylebistro.com

www.stylebistro.com

 

Para nós podemos atopar este abrigo lixeiramente similar ao de Marni, en Asos, por 38,89 euros:

20 Asos Curve 38,89

www.asos.com

 

Tamén en Asos, con este podemos emular a Agyness Deyn, polo módico prezo de 54,17 euros:

21 Asos River Island 90,29

www.asos.com

 

E por último, na onda de Fearne e Poppy, este, tamén de Asos, por 52,78 euros:

22 Asos River Island 97,23

www.asos.com

Aínda non rematamos. Probablemente algunhas de vós diredes: “gústame, pero non tanto como para mercar un abrigo” ou, “un abrigo é too much para o meu corpo” ou “non gasto eses cartos nun peluxe de mentira nin aínda que morra de frío”, etc., polo que neste último anaquiño veremos as peles na súa versión máis discreta, tanto en forma de apósitos como de detalles nalgunhas prendas:

Gianfranco Ferré adxunta este anaco pel a un vestido:

24 Gianfranco Ferré 1 searchingforstyle.com

www.searchingforstyle.com

 

Lanvin aposta polos chales con estas dúas propostas en verde e morado:

25 Lanvin 1 desperatelyseekingsparkle.com

www.desperatelyseekingsparkle.com

26 Lanvin 2 exileorexhibit.com

www.exileorexhibit.com

 

Sharon Wauchob estivo tanto tempo intentando pronunciar o seu nome que non lle deu tempo a facer o abrigo enteiro:

27 Sharon Wauchob 2 wonderfurs.it

www.wonderfurs.it

 

Yves Saint Laurent adhírese á tendencia con este detalle en negro:

28 Yves Saint Laurent 1 holymoly.com

www.holymoly.com

 

Elin Kling tamén lle adxunta un colo de pel ao seu perfecto:

29 Elin Kling fur thefash.com

www.thefash.com

 

Algo parecido fai Emmanuelle Alt:

30 Emmanuelle Alt fur myinspirationcomesfrom.blogspot.com

www.myinspirationcomesfrom.blogspot.com

 

Giovanna Battaglia protéxese do xélido inverno con este colo granate alaranxado:

31 Giovanna Battaglia fur iwanttobeabattaglia.com

www.iwanttobeabattaglia.com

 

Este colo de Mango custa 25,99 euros:

33 Mango 25,99

www.mango.com

 

E por último estoutro de Zara por 25,95 euros:

34 Zara 25,95

www.zara.com

 

Ata aquí a entrada de hoxe! Que vos pareceu? Gústanvos as cousas de peles? (sintéticas tamén valen) Hahaha!

Ata a próxima!